Inauteri festa egingo dute Ramputenen
(Argazkia: Iñaki Agirre) 
Martuteneko gazteak inauteriak ospatzeko irrikaz daude, festa handi bat egingo baitute Ramputene skate park autogestionatuan. Larunbatean, hilaren 22an, izango da festa, 12:00etatik aurrera. Skatean ibiltzeaz gain, Captain Jairock rap abeslariaren musikaz gozatu ahal izango da festan, eta Juanma Dagger, Azzido Domingo, Unai Bellamy, One Eyed Cat, Peyehoney eta Ben Hamed DJ-ak ere han egongo dira. Edaria eta janaria ez dira faltako, eta jendea mozorrotuta joatera animatu dute antolatzaileek.
