Txuri Urdinek play-offetako finalerdia jokatuko du Jacaren aurka
(Argazkia: Espainiako izotz hockey federazioa) Ligako lehen fasea bigarren postuan amaitu ostean, Txuri Urdinek titulurako play-offak jokatzeari ekingo dio asteburu honetan. Jaca izango du aurrez aurre, ligako hirugarren sailkatua, eta bien arteko kanporaketa hiru partidatara jokatuko dute. Lehena Aragoien izango dute, eta beste biak, berriz, Donostian, hurrengo asteburuan. Finalerdia gaindituz gero, finala Barcelona eta Puigcerdaren arteko kanporaketako txapeldunaren aurka jokatuko dute donostiarrek.
Eskubaloian, Bera Berak Porriño jasoko du Bidebietan, ligako azken-aurreko sailkatua. Imanol Alvarezen taldeak joan den astean Xixonen lorturiko garaipen garrantzitsuari jarraipena ematea bilatuko du bere zaleen aurrean.
Hockeyan, Realak Madrilerako bidaia egingo du, Club de camporen aurka neurtu eta denboraldiko bigarren garaipena lortzeko helburuarekin.
Saskibaloian, sailkapenean ondoz ondo duen aurkari baten kontra jokatuko du Ibaeta Basketek, Logroñon. Campus Promete garaituz gero, donostiarrek kategoria mantentzeko helburua nahiko eskura izango dute donostiarrek.
Futbolean, azkenik, Realeko neskek Atletico Madril bisitatuko dute, ligako aurkari gogorrenetariko bat, eta mutilek, berriz, Valladolid jasoko dute Anoetan.
IZOTZ HOCKEYA
Gizonezkoen senior maila, play-offak
- Jaca – Txuri Urdin (Larunbata, 21:30)
ESKUBALOIA
Emakumezkoen lehen maila, 15. jardunaldia
- Bera Bera – Porriño (Larunbata, 18:00)
HOCKEYA
Emakumezkoen ohorezko maila, 12. jardunaldia
- Club de campo – Reala (Igandea, 12:30)
SASKIBALOIA
Emakumezkoen lehen maila, 22. jardunaldia
- Campus Promete – Ibaeta Basket (Ostirala, 20:45)
FUTBOLA
Emakumezkoen lehen maila, 22. jardunaldia
- Atletico Madril – Reala (Igandea, 18:00)
Gizonezkoen lehen maila, 26. jardunaldia
- Reala – Valladolid (Ostirala, 21:00)
