June Calsor donostiarrak bere lehen singlea eta bideoklipa aurkeztuko ditu: 'One'
June Calsor abeslari eta konpositore donostiarrak bere lehen single eta bideoklipa aurkeztuko du. June Calsor kantari eta konpositore donostiarrak One izeneko lehen single eta bideoklipa aurkeztuko ditu bihar, martxoaren 27an. Abesti hau Amalaur izeneko lehen diskoaren 11 kantuetako bat da. Diskoan soularen eta jazzaren soinuak, pop eta R&B modernoaren erritmoekin nahastu dituztela aurreratu dute.
Lehen single honek batasunaren eta “mugarik gabeko maitasunaren” inguruan hitz egiten du. Diskoan entzun ahalko diren letrak, bestalde, NBEren Garapen Iraunkorreko Helburuetan inspiratuta daude: “norberaren eraldaketa, mundua eraldatzeko bide bat bezela aurkezten du diskoak”.
Proiektua mikromezenasgo edo crowdfunding bidez aurrera atera dute, Meta! kultura-proiektuen deialdian hautataketarekin eta Gipuzkoako Foru Aldundiaren eta Goteo plataformaren laguntzarekin batera.
