(Argazkia: Donostiako Udala) Auzotarrek dagoeneko erabil dezakete Larratxoko igogailu inklinatua, eta han bizi direnen mugikortasuna nabarmen hobetuko du. Hiriko bigarren igogailu inklinatua da, Morlanskoa abian jarri ondoren. Larratxokoa egiteko 1,7 milioi eurokoa izan da inbertsioa.
Igogailuak 31 metroko desnibela gainditzen du, eta 100 metro ingurukoa da egiten duen distantzia, segundoko 1,6 metroko abiaduran. Hiri Proiektuetako zinegotzi Marisol Garmendiak igogailuaren garrantzia azpimarratu du: “Minutu baten buruan, Leosiñeta eta Larraundi arteko bidegurutzea gainditzen du, eta Altzako goialdera iristen da. Komunikazioa nabarmen hobetzen du”. Berez, 25 lagunentzako lekua da igogailuaren kabinak. Ordea, COVID-19ak eragindako mugak direla eta, momentuz, bidai bakoitzeko gehienez bost lagunek erabil dezakete.
Bestalde, Larratxo pasealekuko 46-56 atarietako bizilagunekin hitzarturiko obra bat egiten ari dira. Aldapa bidezko sarbide eskailerak kenduko dituzte mugikortasuna hobetzeko.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
