Morlansko Leire plaza. (Argazkia: Iñaki Agirre) Parketarrak egitasmoa udazkenarekin batera itzuliko da, eta Morlansko Leire plazan egingo dute, irailaren 21etik urriaren 5era. Koronabirusaren kutsatzeak ekiditeko neurri guztiak hartuko dituzte, eta 17:30etik aurrera arituko dira. Zabu-zibu programa egingo dute 3 eta 5 urte arteko haurrentzat, eta Txirrintxon programa 6 eta 9 urte artekoentzat.
Haurrek euskaraz jolastea sustatzea helburu duen egitasmoa da Parketarrak, Donostiako Udaleko Euskara Zerbitzuak antolatuta. Urtean hainbat aldiz egin ohi dute, hiriko auzo gehienetan.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
