Kresala Zinekluba Truebara itzuliko da irailaren 29an
Zikloa 'Yôhiki' filmak estreinatuko du. Zinemaldia amaitu ondoren, beste topagune garrantzitsu bat izango dute zinema zaleek. Irailaren 29an, Kresala zineklubak berriro ekingo dio bere programazioari. Saioak astelehenetan izan ordez, asteartetan eskainiko dira, 19:30ean, Trueban. Koronabirusa dela eta, “desberdinak” izango direla iragarri dute antolatzaileek, eta xehetasun gehiago emango dituztela aurrerago.
Momentuz, iraileko eta urriko programazioa jakinarazi dute. Jarraian jasotzen da, antolatzaileek nabarmendutako puntuekin batera:
- Irailak 29: Yôkihi/La emperatriz Yang Kwei-Fei (1955). “Zaharberritutako harribitxi historikoa”.
- Urriak 6: Canción sin nombre (2019). “Gaztelaniaz eta quechua hizkuntzan filmatutako istorio dramatikoa”.
- Urriak 13: Mi vida con Amanda (2018). “Familia harremanei buruzko istorio txiki eta xamurra”.
- Urriak 20: Blanco en Blanco (2019). “Patagoniaren XIX. mendeko historia gordinean barneratzen gaitu
- Urriak 27: Little Joe (2019). “Gaixotasun mentalen tratamenduei buruzko kritika zorrotza”. Urriko azken saioa Fantasiazko eta Beldurrezko Zinemaren Astearekin elkarlanean eskainiko dute.
