Nogen taldeko Alex eta Olatz elkarrizketatu ditu Maialen Sorzabalberek, Euskaraldiaren harira. (Argazkia: Donostia Euskaraldia) Ostiralean hasiko den Euskaraldira begira, hiriko hainbat pertsona ezagun elkarrizketatzen ari dira Donostiako Euskaraldiko sustatzaileak, eta Nogen taldeko Alex eta Olatz izan dira azken elkarrizketatuak. “Danborra ala barrila”, “Pintxopotea ze auzotan2 eta bestelako ohiko galderez gain, taldearen egoeraren eta abenduan argitaratuko duten disko berriaren inguruan galdetu die Maialen Sorzabalberek Nogenekoei. Joan den astean, Miren Arrieta aktorea elkarrizketatu zuten.
2018ko Euskaraldian parte hartu ez bazuten ere, Alexek eta Olatzek aurtengoan parte hartuko dutela azaldu dute. Bestalde, Nogenen disko berriaren inguruan hitz egin dute, baita taldearen funtzionamenduaren inguruan ere. Horretaz gain, azken bi urteotan bizitzako bitxikeria batzuk ere izan dituzte hizpide.
Jarraian, Maialen Sorzabalberek Nogenekoei egindako elkarrizketaren bideoa:
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
