Alde Zaharreko Gazte Asanbladak "auzoan euskararen alde antolatzen den komunitatea zabala dela" erakutsi nahi du. (Argazkia: AZGA) Abenduaren 3a Euskararen Eguna izango da, eta Alde Zaharreko Gazte Asanbladak “auzoan euskararen alde antolatzen den komunitatea zabala dela” erakusteko, auzo argazkia egingo du. 18:00etan egingo dute Trinitate plazan, Auzoa euskaraz eraiki lelopean. Abenduaren 5ean, larunbata, plaza dantza herrikoia egingo dute Konstituzio plazan, 18:00etan, gazte asanbladak antolaturik.
Abenduaren 4a Euskaraldiaren azken eguna izango da, eta Parte Zaharreko Euskara Batzordeak “hizkuntza ohiturak aldatzeko tailerra” antolatu du. 18:30etik 20:30era izango da, Udal Liburutegi azpiko kriptan. Izena emateko, azeuskarabatzordea@gmail.com helbidera idaztea komeni da, izen-abizenak eta telefono mugikorreko zenbakia adieraziz.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
