Realak Napolin lortu beharko du final-hamaseirenetarako txartela
Adnan Januzaj, Anoetan Rijekaren aurka jokatutako partidan. (Argazkia: Reala) Realak ez zuen asmatu atzo, Rijekaren kontrako partidan, nahiz eta azkenean berdinketa lortu. Huts egiteak izan ziren, bai aurrean, bai atzean ere. Atsedenaldian, 0-1 galtzen zihoan, Kroaziako taldeak korner bat sartzea lortu ondoren. Bautistak berdinketa lortu zuen, baina Rijekak berriz ere aurrea hartu zien txuri-urdinei beste gol bat sartuz, hau ere korner bitartez. Azkenean, Monrealek sartu zuen Realaren bigarren gola.
Lortutako emaitzarekin, Realak bere esku izango du final-hamaseirenetarako sailkapena. Napoliren kontra irabaziz gero, F taldeko txapeldunak izango dira. Bestela, AZ Alkmaarrek Rijekaren kontra lortzen duen emaitza berdina lortu beharko dute hurrengo faserako sailkatzeko.
