Emakumeen Etxeko ikastaro berrietako izen-ematea, zabalik
Ikastaro bat, Emakumeen Etxean. (Argazkia: Donostiako Udala) 
Emakumeen Etxean hasi dira urteari martxa hartzen, eta urtarriletik uztailera arte egingo dituzten ikastaroetarako izen-emate epea ireki dute. Gaur, hilaren 11n, zabaldu dute ikastaroetako izen-ematea, eta urtarrilaren 24ra arte izango da zabalik. Izena Donostiako Udalaren webgunearen bitartez eman behar da; aurretik Emakumeen Etxeko jardueraren batean parte hartu dutenek zuzenean eman dezakete izena, eta gainontzekoek lotura berean dagoen inprimakia bete beharko dute.
Emakumeen Etxekoek ikastaro egitarau zabala prestatu dute datozen hilabeteetarako: autodefentsa ikastaroak, askotariko formakuntzak, hitzaldiak eta bestelakoak aurkitu daitezke egitarauan. Programa osoa Emakumeen Etxeko webgunean kontsultatu eta deskargatu daiteke.
