Elegante Eguna eta Kuadrillen Eguna desberdinak izango dira Antiguan
Jai batzordeak bizilagunak bultzatu ditu arropa dotoreak janztera. (Argazkia: Iñaki Agirre) Larunbatean Elegante Eguna ospatuko dute Antiguan. Poteo elegantea egiteko aukerarik egongo ez bada ere, auzoko jai batzordeak bizilagunak bultzatu ditu arropa dotoreak janztera, eta egunerokotasuneko zereginak dotore egitea. Sasikumeak taldeak kontzertua eskainiko du, Dokan, baina sarrerak agortu dira.
Urtarrilaren 23an Kuadrillen Eguna ospatuko zuten “egoera normala” izan balitz, baina beste proposamen bat egin die jai batzordeak auzotarrei. Bakoitza bere kuadrillako blusarekin janztea bultzatu dute, eta “ogia erostera edo paseo bat ematera” blusarekin joatea.
