Gari & Maldanbera Intxaurrondon izango da urtarrilaren 28an
Gari Hertzainak taldeko abeslaria izan zen. (Argazkia: Donostia Kultura) Gari & Maldanbera taldeak kontzertua eskainiko du urtarrilaren 28an, 19:00etan, Intxaurrondoko kultur etxean. Beste denbora batean izeneko disko berriko abestiak joko dituzte kontzertuan, besteak beste. Gari abeslari eta gitarra jotzailearekin batera Natxo Beltranek (bateria, ahotsak), Oier Aldekoak (baxua, teklatuak eta ahotsak), eta Miguel Moyanok (gitarrak, teklatuak eta ahotsak) osatzen dute musika taldea.
