Liher taldea bueltan da 'Zulo bat gehiago' kantuaren bideokliparekin
Liher laukotea. (Argazkia: Gaizka Izagirre) 
Zuzenekoetara itzultzeko gogotsu dago Donostiako Liher laukotea. Hemen herensugeak daude diskoa iazko otsailean argitaratu ondoren, ez zuten taula gainean behar bezala aurkezteko aukerarik izan. Areto eta antzokietan bira luze bat iragartzearekin batera, Zulo bat gehiago kantuaren bideoklipa aurkeztu dute. Arrigurik zuzendu du eta Galapan arduratu da ekoizpenaz.
Zumaian abiatuko dute bihar kontzertu bira. Donostian, berriz, otsailean ariko dira zuzenean. Egiako Dabadaba aretoan bi kontzertu emango dituzte: otsailaren 12an eta 13an.
