'Komikia generoka' erakusketa ikusteko azken egunak
Komikia generoka erakusketa urtarrilaren 21etik dago ikusgai Koldo Mitxelena Kulturuneko liburutegian (lehenengo solairuan), eta asteburu honetan izango da erakusketaz gozatzeko azken aukera, larunbatera arte, hilaren 13ra arte egongo baita jarrita.
Komikigintzaren genero mota guztiak ikusgarri egitea da erakusketaren xedea, eta hala azaldu dute antolatzaileek: “hogei genero inguru bereiztu eta identifikatu ditugu, eta erakusketa honetan guztien artetik erreferentziazko genero multzo bat aukeratu dugu”. 8:30etik 20:30era bisitatu daiteke astelehenetik ostiralera, eta 8:30etik 14:00etara larunbatetan.
