Espartxoko zubiaren ondoko lursailean aparkaleku bat egingo dute
Espartxoko zubi berria, Txomiñenean. (Argazkia: Inaxio Esnaola) 
Txomiñeneko Espartxoko zubi berria jartzeko lursailak desjabetu zituen Donostiako Udalak. Plan Berezi bat onartu zuen horretarako, eta orain aldatzea erabaki du desjabezearen azalera murrizteko. Horren bidez, zazpi ibilgailuentzako aparkaleku bat eraikiko dute.
Eremuko irisgarritasuna eta urbanizazioa hobetzeko jarduerak ere aurreikusi dituzte. Uba bideko 2. eta 4. zenbakietara sartzeko oinezkoentzako pasabidea eta eskailerak sortuko dituzte, eta igogailu bat jarriko dute. Horrekin batera, ibilgailuentzako sarbide arrapala bat proiektatu eta sortuko dute, jabari publikoari bideratua, Uba bideko 2. eta 4. zenbakietan larrialdiko ibilgailuek sarbidea izan dezaten.
