Maddi Marquet donostiarra Espainiako Duatloi Txapelketarako sailkatu da
Maddi Marquet, Berlanga de Dueron. (Argazkia: Atletico San Sebastian) Berlangako Duatloia irabazi zuen larunbatean Maddi Marquet donostiarrak, eta horri esker Espainiako Duatloi Txapelketarako sailkatu da. Berlanga de Dueron (Soria, Espainia) jokaturiko proban Donostiako Atletikoko kirolariak egin zuen denborarik onena (1:14:21). Batez ere, txirrindularitza atalean nabarmendu zen 44 minutu eta 46 segundoko denborarekin.
Espainiako Txapelketa Avilesen (Asturias, Espainia) izango da apirilaren 10ean.
