Morlansko bertso eskola txikia egingo dute ostiraletan
Leire plaza, Morlansen. (Argazkia: Iñaki Agirre) 8 urte baino gehiago dituzten haurrek bertsolaritzan trebatzeko aukera izango dute Morlansen, auzoko bertso eskola txikia antolatu baitute ostiraletan. Markel Eizagirre irakasleak bertsotan egiten erakutsiko die Morlansko haurrei apirilaren 23an, maiatzaren 14an eta maiatzaren 28an, 17:00etatik 18:30era. Morlanstarrak auzo elkartearen egoitzan (Leire plaza, 1) izango dira klaseak, eta izena emateko aukera dago saio baterako, bitarako edo hirutararako, morlanseuskaraz@gmail.com helbidera idatziz. Gehienezko pertsona kopurua bete arte izango da izena emateko aukera.
Morlanstarrak auzo elkarteak antolatu du bertso eskola txikia, Gipuzkoako Bertsozale Elkartearen eta Donostiako Udaleko Euskara Zerbitzuaren lankidetzarekin.
