Egiako tunelean auzoko argazki zaharren erakusketa dago
Herritarrek gaur goizean argazkiei begiratzeko tartea hartu dute. (Argazkia: Mikel Elkoroberezibar Beloki) Gordegia Egiako artxibategi grafikoak auzoko argazki zaharrez osaturiko erakusketa bat jarri du Egiako tunelean, eta dagoeneko pertsona askok egin dute geldiune bat tuneleko joan-etorrian, argazkiei begiratu eta informazioa irakurtzeko. Denetarikoak dira argazkiak: auzo paisaia, jaiak, segizioak, lantokiak… Denak XX. mendekoak dira.
Argazki bakoitzaren informazioa irakurgai dago QR kode batekin www.gordegia.eus webgunera lotuta, irudi horren fitxa, bilduma edo antzeko irudiak ikusteko aukerarekin. Gainera, Tabakalera aldeko sarreran bizilagunei argazkiak bidaltzeko gonbidapena luzatu die Gordegiak, “guztion artean auzoko historia konta dezagun”.
