Bilatu
Sartu
  • Harpidetu zaitez! Izan HITZAKIDE
  • Zozketak
  • Denda
  • Hemeroteka
  • Nor gara
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Auzoak
      • Aiete-Miramon
      • Altza
      • Amara
      • Amara Berri-Loiolako Erribera
      • Añorga
      • Antigua
      • Bidebieta
      • Egia
      • Erdialdea
      • Gros
      • Ibaeta
      • Igeldo
      • Intxaurrondo
      • Loiola-Txomiñenea
      • Martutene
      • Morlans
      • Parte Zaharra
      • Ulia
      • Zubieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Eduki babestua
  • Astekaria
  • Iritzia
  • Multimedia
    • Argazkiak
    • Bideoak
  • Komunitatea
  • Agenda
  • Denda
  • Gehiago
    • Jaiak
    • ATERKI
    • Adimena
    • Nor gara
    • Gure berri
    • Txoroskopoa
    • Gipuzkoa
  • Nor gara
  • Publizitatea
  • Harpidetu zaitez! Izan HITZAKIDE
  • Zozketak
  • Denda
  • Hemeroteka
  • Nor gara
Sartu
Gizartea

Etorkizunean Donostian bizi ahal izateko gakoak

etxebizitza Juana Otxoa (COAVN), Michela Kamedica (Abaraska) eta Rafael Farias (Etxegintza) Donostiako etxebizitzaren arazoari buruz aritu ziren atzo San Telmo Museoan. (Argazkia: Beñat Parra)
Beñat Parra @ParraBenat
2021/05/05

Donostia 2030 zikloaren barruan, donostiar askoren kezka nagusia aztertu zuten atzo San Telmo Museoan: etxebizitza. Se puede vivir en Donostia? mahai inguruaren bidez aztertu zuten auzia, eta Juana Otxoa Euskal Herriko Arkitektoen Elkargoko Gipuzkoako presidenteak, Michela Lamedica Abaraska etxebizitza kooperatiboen kolektiboko kideak eta Rafael Farias Etxegintzako zuzendariak hartu zuten parte; Itxaro Latasa arkitektura eskolako irakasleak egin zituen moderatzaile lanak.

Etxebizitzaren auzia mahaigaineratu zuen Latasak, eta datu esanguratsu bat jarri zuen abiapuntutzat: estatistikien arabera, Donostia Espainiako Estatuko hiririk garestiena dela alokairuzko etxebizitzei dagokionez. Hiru solaskideak arazo horren zergatiak aztertzera eta irtenbideak proposatzera animatu zituen.

Otxoak nabarmendu zuen posible izan behar dela Donostian bizitzea, eta udalerri mugakideetara joateak “aukera bat” izan beharko lukeela, “ez behar bat”. Horrela, Donostiako etxebizitzaren auzia konpontzeko 2019ko Arkitektura Bienalean ateratako ondorioak azpimarratu zituen: “etorkizuneko etxebizitzek moldagarriak, irisgarriak eta eraginkorrak izan behar dute”. Horretarako, azaldu zuen oso garrantzitsua dela etxebizitza zaharrak birgaitzea: “Donostian 4.000 etxebizitza huts inguru daude, eta horiek birgaitu egin daitezke. Gainera, etxebizitzak egin daitezke lursail gehiago okupatu gabe, 200 metro koadroko etxebizitza zahar asko birgaitu eta zatitu baitaitezke”. Horretarako, finantziazio publiko-pribatuaren alde egin zuen, etxebizitza babestuen parkea handituz eta alokairuaren prezioa kontrolatuz.

Lamedicak ere etxebizitza babestuen kopurua handitzearen alde egin zuen. Izan ere, azaldu zuen Donostian oso etxebizitza babestu gutxi daudela eta halakoen eskatzaileak asko direla. Gainera, nabarmendu zuen Donostia dela Espainiako Estatuko hiri bakarra non pandemia garaian alokairuaren prezioa ez den jaitsi. Horregatik, Abaraskaren apustua zein den azaldu zuen: etxebizitza kooperatiboak. “Bizilagunak kooperatiba batean antolatzen dira, eta kooperatiba hori da eraikinaren jabea. Kooperatiba betirako da, eta norbanakoei espazioaren erabilera lagatzen die, hasieran ekarpen ekonomiko bat eginda eta hilabetero kuota bat ordainduta. Horrela, etxebizitza komunitate kontzeptu gisa ulertzen dugu, pertsonen beharrak erdigunean jarrita, horiek asetzea komunitatearen betebeharra izanik”. Hori guztia administrazio publikoak bideratu beharko lukeela deritzo Abaraskakoak, “bere betebeharra baita etxebizitzaren eskubidea bermatzea”.

Fariasek azaldu zuen Euskal Autonomia Erkidegoa (EAE) aitzindaria izan zela etxebizitza politikak garatzeko garaian, eta nabarmendu zuen Donostia dela EAEn etxebizitza babestuan gehien inbertitu duen hiria, baina deitoratu zuen “zerotik” datorrela: “Asko inbertitu badugu ere, gaur egun 6.000 etxebizitza babestu inguru daude Donostian, eta horietako 2.000 inguru dira alokairuzkoak, etxebizitza kopuru osoaren %2 inguru, alegia. Horregatik, etxebizitza babestuek ez daukate merkatuan eragiteko ahalmenik”. Era berean, etxebizitzaren auzia auzoz auzo aztertzeko beharra azpimarratu zuen, “egoera ez baita berdina Erdialdean, Grosen edo Intxaurrondon”. Arazoari irtenbide bat emateko bidean, Ochoarekin bat egin zuen, eta nabarmendu baitzuen “oso gutxi” eraiki daitekeela dagoeneko Donostian: “Gure erronka nagusia, alde batetik, eraikita dauden etxebizitzen erabilera ondo aztertzea da, horiek hobeto aprobetxatzeko moduak aurkitzeko; etxbeizitzak birgaitzea, esaterako. Bestetik, etxebizitzen irisgarritasuna hobetu behar dugu”. Ildo horretatik, etxebizitzen parke publikoa handitzearen alde egin zuen Fariasek, baina azpimarratu zuen horretarako “aurrekontu gehiago bideratu” behar dela etxebizitza babestuetara.

Hedabide honek Donostiako etxebizitzaren auziari buruzko mahai inguruaren kronika osoa argitaratuko du ostiralean, paperezko astekarian eta webgunean.

 

 

Azken egunetako irakurrienak

 

 

 

Donostiako azken berrien buletina

Donostiako azken berriak biltzen ditu bi egunean behin.
Astelehen, asteazken eta ostiraletan iristen zaizu posta elektronikora.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 943-46 72 36
  • donostia@hitza.eus
  • Ametzagaña, 19 - 20012 Donostia
  • Nor gara
  • Publizitatea
Berriki Kudeaketa Aurreratua KUDEAKETA AURRERATUARI
DIPLOMA
  • Cookieak
  • Pribatutasun politika
  • Argitalpen politika
  • Aniztasun politika
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Zure babesa behar dugu Donostia den horretan aztertzen eta kontatzen jarraitzeko.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Zure babesa behar dugu Donostia den horretan aztertzen eta kontatzen jarraitzeko.