Morlansko faroltxoa piztu dute
Faroltxoa piztu dute Morlansko Leire plazan. (Argazkia: Inaxio Esnaola)
Jaiak ospatuko ez dituzten arren, faroltxoa piztu dute Morlansko Leire plazan. Gainera, faroltxoa egiteko materiala banatu dute, auzotarrek euren etxeetan jarri eta piztu dezaten.
Faroltxoak egiteko materiala banatu dute Morlansen. (Argazkia: Inaxio Esnaola)
COVID-19aren ondorioz, Morlansko jaiak bertan behera geratu dira. Horrela ere, hainbat kultur jarduera antolatu dituzte astebururako. Bihar, Kantukantoi ipuin kontalaria eta bertso saioa izango dituzte plazan. Maialen Lujanbio eta Sustrai Colina bertsolariek parte hartuko dute. Etzi, berriz, udal txistulariek goiza alaituko dute auzoan, Dragon SS dantza ikuskizuna egingo dute plazan, eta Aurrera egin badugu dokumentala proiektatuko dute auzo elkartearen lokalean.
