Koldo Mitxelena liburutegian 'Rif mendietako ura' liburua irakurtzeko saioak egingo dituzte
Euskadiko Irakurketa Errazeko Elkarteak Montse Flores Pallaresen Rif mendietako ura liburua irakurtzeko saioak antolatu ditu Koldo Mitxelenako liburutegian. Maiatzaren 19tik ekainaren 23ra bitartean egingo dituzte, asteazkenero, 19:00etatik 20:00etara.
Saio hauek guztiz doakoak dira eta euskara ikasten ari den edo euskaraz irakurtzeko ohiturarik ez duen jendeari zuzenduta daude, batez ere. Izena emateko epea zabalik dago Koldo Mitxelenako liburutegiaren webgunean.
