
Igandean, hilaren 9an, 'Saltsan ibili' egitasmoari hasiera emango dio Hau Egia da! sareak, Plaza Haundin, 12:00etan. Dominikar Errepublikako Belkis John arduratuko da lehen errezeta erakusteaz.

Etxebizitza izan zuten hizpide asteartean San Telmo Museoko 'Se puede vivir en Donostia?' mahai inguruan. Juana Otxoa arkitektoak, Michela Lamedica Abaraskako kideak eta Rafael Farias Etxegintzako zuzendariak aztertu zuten gaia, eta Itxaro Latasa arkitektura irakasleak egin zituen moderatzaile lanak.

Xabier Mikel Azparrenek (Donostia, 1999) otsailaren 14an egin zuen debuta txirrindulari profesional gisa, Almeriako Klasikoan. Ordutik hona, astebeteko bi itzulitan hartu du parte, eta Valentziako Itzuliko erlojupekoan bederatzigarren postuan geratu zen. Txikitatik telebistan ikusi dituen txirrindulariekin lanean aritzeak jarraitzeko gogoa eman dio, eta gutxinaka bere lekua egin nahi du tropelean.