Hasi dute selektibitatea unibertsitatera joan nahi duten ikasleek
(Argazkia: Ane Urrutikoetxea) Gaurtik etzira arte selektibitatea egiten arituko dira datorren ikasturtean unibertsitateko ikasketak egin nahi dituzten Batxilergoko eta Lanbide Heziketako ikasleak. Ibaetako campuseko ikasgeletan daude dagoeneko ikasleak, eta Euskara eta Literatura II ikasgaiaren azterketarekin hasiko dira 09:15ean. Ostegun arratsaldean amaituko dituzte unibertsitatean sartzeko probak, Marrazketa Teknikoa II, Geografia, eta Arte Eszenikoak ikasgaien azterketekin.
Ikasle Abertzaleak ikasle antolakundeak 10:30ean Ikasgelategiaren azpian elkarretaratzea egingo du gaur, Selektibitateari Ez! lelopean.
