Bideoaldian aurkeztuko dituzte Larrotxenen egindako bideoak
Intxaurrondoko Larrotxene kultur etxean ikasturtean zehar egindako bideoak aurkeztuko dituzte Bideoaldian. Ekainaren 18an izango da, 19:00etan, Antzoki Zaharrean. Sarrera doakoa izango da, eta bertara joateko, 11:30 eta 13:30 artean jaso behar dira gonbidapenak antzokiko leihatilan.
Larrotxene kultur etxea ikus-entzunezko eremuan espezializatuta dago, eta denetariko ikastaroak egin dituzte ikasturte honetan: zine zuzendaritza eta dokumentalgintza, esaterako. Ikastaro horietan ondutako ikus-entzunezko lanak izango dira ekainaren 18an proiektatuko dituztenak.
