Amara Berriko sanjoanetarako egitarau beroa prestatu dute
(Argazkia: Ikasbide kultur elkartea) San Joan bezpera izango da bihar, eta Amara Berrin urtero egiten dituzten jaiak betiko moduan antolatuko ez badituzte ere, kultur egitarau oparoa prestatu dute auzoko eragileek. Bihar, San Joan bezperan, 20:00etan sorginen kalebira egingo dute sumendi biribildunetik (Aita Donostia plazatik) abiatuta. 22:00etan, kalebira amaitzean, sorginei agurra egingo diete. Lore sorta bana eramateko eskatu dute.
Etzi, berriz, Abixi Amara Berriko aisialdi talde sortu berriak haurrentzako lehen jarduera burutuko du 16:00etan. Sorginekin loturiko ginkana bat egingo dute Zorroagan. Parte hartzeko izena eman behar da, eta begirale bila ere badabiltza. Horregatik, parte hartu nahiko luketen haurren gurasoek eta begirale izan nahiko luketen gazteek Instagrameko @abixiaisialditaldea kontura edota abixialdi@gmail.com helbide elektronikora idatzi behar dute. 630-31 21 05 telefono zenbakira ere deitu edo idatzi dezakete.
Ekainaren 25ean, aldiz, Amara Berriko antzerki herrikoia egingo dute Probestu plazan. 19:00etan hasita, antzerki taldearen aurkezpena eta lehen antzezlanaz gozatzeko aukera izango da.
Endara Amara Berriko sorgin youtuber-a da, eta sanjoanetako jardueren berri eman digu honako bideoan:
