Urumea ibaian askotariko hondakinak daude
Loiolako Arrauning enpresako Unai Elizasuk bideo harrigarri bat zabaldu du. Urumea ibaian kanoarekin egindako bidai batean askotariko hondakinak topatu zituen uretan. Hala nola, mikrouhin labe bat, telebista bat eta ordenagailu baten karkasa. Beste hondakin bat ere topatu zuen unean bertan kanoara igo ezin izan zuena. Bideoan duzue ikusgai.
Bestalde, larunbatean, Arrauningek Urumea ibaia garbituko du 17:00etan Loiolako Erriberatik abiatuta. Orain arte udalaren laguntzarekin egin dituzte garbiketa kolektibo batzuk. Larunbatekoa, berriz, beraien kabuz egingo dute. Doan parte hartu daiteke, eta nahi duenak borondatearen truke.
