Abuztua Donostian egitasmoak "turismoari begirako eskaintza" duela salatu du EH Bilduk
Pasealeku Berrian barrakak izango dira abuztuaren 1etik 15era. (Argazkia: Estitxu Zabala) Abuztuan Aste Nagusiaren ordez egitarau kultural zabala eskainiko du udalak; Abuztua Donostian du izena egitasmoak. Hiriko hainbat auzotan izango dira ekitaldi kulturalak, baina EH Bilduk salatu duenez, jarduera kulturalen %56,97a Parte Zaharrean, Erdialdean eta Grosen izango dira. Gainerako auzoetan jarduera gutxiago antolatu dituzte: %6,67a Egian; %2,42a Altzan, Bidebietan eta Intxaurrondon; eta %2,42a Amaran eta Amara Berrin.
“Abuztua Donostian programazioarekin nabari da, berriz ere, Eneko Goiaren hiri eredua: zentralismorako joera, auzoen arteko oreka falta, eta turismoari begirako eskaintza. EH Bildutik jarraituko dugu Donostia orekatu baten alde egiten”, adierazi du koalizio abertzaleak.
