Hamahiru ekoizpenek hartuko dute parte Zinemaldiko New Directors sailean
Mara Pescio argentinarrak 'Ese fin de semana' filmaren hartuko du parte. (Argazkia: Zinemaldia) Hamabost herrialdetako hamahiru ekoizpenek hartuko dute parte Zinemaldiko New Directors sailean, eta horietako bederatzi zuzendarien lehen ekoizpenak dira.
Philippe Grégoire kanadarrak Le bruit des moteurs lana aurkeztuko du, Selman Nacar zuzendari turkiarrak İki Şafak Arasında lana, eta Darko Sinko esloveniarrak, bere lehen luzemetraia. Hong Sung-eun korearrak, berriz, Hon-ja Sa-neun Sa-ram-deul film luzea estreinatuko du, eta Mara Pescio argentinarrak Ese fin de semana filma; Fran Kranz aktore estatubatuarrak zuzendari gisa egin duen lehen lana erakutsiko du: Mass.
Javier Marcok (Alacant, Herrialde Katalanak) Josefina-rekin parte hartuko du, eta Agustín Banchero uruguaitarrak Las vacaciones de Hilda aurkeztuko du; Lena Lanskih zuzendari errusiarrak, aldiz, Nich’ya filmarekin hartuko du parte. Juan Sebastián Mesa kolonbiarrak La roya filmarekin parte hartuko du aurtengo Zinemaldian, eta Emanuel Parvu errumaniarra Marocco / Mikado filmarekin lehiatuko da Donostian.
Silvina Schnicer argentinarra eta Ulises Porra katalana Carajita filmarekin itzuliko dira New Directors sailera, eta Sun Liang zinemagile txinatarra Shu Qi Shi Guang lanarekin lehiatuko da.
