Antiguako pilota txapelketak aurrera darrai
(Argazkia: Antiguako Pilotazaleok) Antiguako pilota txapelketak beste bi jaialdi izango ditu bihar eta etzi, 19:00etan, auzoko pilotalekuan. Bihar, bi partida jokatuko dituzte: Unai Alberdi eta Morgaetxebarria Fernandez eta Ibarlozaren aurka arituko dira, eta ondoren, Matak eta Aizpuruk Exposito eta Irazustabarrenaren aurka jokatuko dute. Etzi, berriz, beste bi pilota partidak alaituko dute Antigua: Olaetxea eta Garaño Oskoz eta Santamariaren aurka arituko dira, eta Elolak eta Apezetxeak Julen Alberdi eta Odriozolaren aurka jokatuko dute.
Dagoeneko lau jardunaldi jokatu dituzte, eta puntu gehien eskuratu dituen bikotea Unai Alberdik eta Morgaetxebarriak osatzen dute.
