Aurten ere Artikutzako San Agustin Eguna bertan behera utzi du udalak
San Agustin eguna Artikutzan, artxiboko irudi batean. (Argazkia: Agurtzane Altuna) Pasa den urtean egin zen moduan, Donostiako Udalak Artikutzako San Agustin Eguna bertan behera uztea erabaki du. Abuztuaren 28an egiten den festan jendetza biltzen da urtero Artikutzan eta pilota partidak, azoka eta erromeria antolatzen dira. 2020ean COVID-19aren pandemia dela-eta, jende pilaketak ekiditeko asmoz ez zen San Agustin Eguna ospatu eta aurten erabakia mantendu dute.
