Tigre eltxoak dabiltza Berion, Zubietan eta Egian
Tigre eltxoak intsektu inbaditzaileak dira, eta Donostian dabiltzala baieztatu du Donostiako Udalak, Osasun Publikoko Departamentuaren bidez. Zehazki, tigre eltxoen arrautzak aurkitu dituzte Berioko autokarabanen aparkalekuan, Zubietan, eta Egiako Alkolea kalean. Udala hasi da intsektu horren hedapena gelditzeko neurriak hartzen, baina prebentzioa eskatu die bizilagunei, eta honako jarraibideak betetzeko: astean bitan husteko ura duten ontziak, animalien isurbideetako ura bizpahiru egunez behin berritzeko, eta hustubideetan ura botatzeko gutxienez astean behin, besteak beste.
