Realaren Zubietako estreinaldia ikusteko izena eman daiteke
Realeko neskak, denboraldiaurreko partida batean. (Argazkia: Reala) 
Igandean, irailaren 5ean, Realak emakumezkoen ligari hasiera emango dio Zubietan. Valentziaren aurka ariko dira lehen jardunaldian, 16:00etan. Neurketa z7 zelaian izango da, eta bazkideek aldez aurretik izena eman beharko dute hara joan ahal izateko.
Izena emateko epea irailaren 2an bukatuko da, eta helbide honetan egin behar da eskaera. Eskariak z7 eremuan baimendutako gehieneko edukiera gainditzen badu, egun horretan bertan, irailaren 2an, zozketa bat egingo da izena eman duten guztien artean. Izena emateko epea bukatzean, posta elektronikoz harremanetan jarriko dira izena eman duten pertsonekin, partidan egongo direla berresteko. Kasu honetan, ez da beharrezkoa izango sarrera bat ateratzea, nahikoa izango baita sarbidean bazkide txartela aurkeztea.
