Auzolanean ospatuko du saria Uliako Lore-Baratzak taldeak
Igandean, hilaren 26an, auzolana egingo dute Uliako Mintegietan. 11:00etan elkartuko dira parkean, eta jaso berri duten Europako Bauhaus Berria saria ospatzeko aprobetxatuko dute. Auzolanaren ondoren, jatekoa eta edatekoa jarriko dute komunitatearentzat.
Bruselan (Belgika) jaso zuten saria pasa den hilaren 16an. Hain zuzen ere, Uliako Lore-Baratzak taldearen Ulia Garden proiektua da Europako Bauhaus Berria saria irabazi duena.
