Realak bere bolada onarekin jarraitu nahi du
Nerea Eizagirre, Real Madrilen aurkako partidan. (Argazkia: Reala) 
Natalia Arroyoren neskek etxean jokatuko dute igandean Vila-realean aurka, eta ligako bolada onarekin jarraitzeko helburuarekin aterako dira zelaira, orain arte jokatutako lau partidak irabazi egin baitituzte. Asteazkenean Real Madril garaitu ostean, gogotsu iritsiko dira asteburuko partidara. Mutilei dagokienez, atzo Monacoren aurka jokatu ostean, Alguacilen rotazioak egin beharko ditu taldean Getaferen aurka jokatzeko. Irabaziz gero, sailkapeneko lehenengo postua eskuratu dezakete txuri-urdinek.
Belar hockeyan, Realak joan den asteburuan lortu zuen denboraldiko lehenengo garaipena Sardineroren aurka, eta bigarrenaren bila joango dira Kataluniara, Bartzelonaren aurka jokatuko baitute igandean. Izotz hockeyan, bestalde, Txuri Urdineko bi taldeek larunbatean jokatuko dute: mutilek Majadahondaren aurka eta neskek Milenio Panthersen aurka; biek ala biek, sailkapenean gora egitea bilatuko dute.
Saskibaloian, euskal derbia jokatuko dute igandean Lointek Gernika Bizkaiak eta Ibaeta Basketek. Donostiarrek denboraldiko lehenengo garaipena bilatuko dute bizkaitarren aurka.
Eskubaloian, Bera Berak ligako lehenengo postua eskuratu nahi du ahalik eta azkarren, eta Gran Canariari presioa sartzen jarraitu ahal izateko, garaipenaren bila joango da larunbatean Valladoliden aurkako partidara.
PARTIDAK
Futbola
Gizonezkoen lehenengo maila, 8. jardunaldia
- Getafe – Reala (igandea, 3, 18:30ean).
Emakumezkoen lehenengo maila, 5. jardunaldia
- Reala – Vila-real (igandea, 3, 12:00etan).
Belar hockeya
Emakumezkoen ohorezko maila, 3. jardunaldia
- Bartzelona – Reala (igandea, 3, 12:00etan).
Saskibaloia
Emakumezkoen lehenengo maila, 3. jardunaldia
- Lointek Gernika Bizkaia – Ibaeta Basket (igandea, 3, 12:00etan).
Eskubaloia
Emakumezkoen lehenengo maila, 4. jardunaldia
- Bera Bera – Balonmano Aula Valladolid (larunbata, 2, 18:00etan).
Izotz hockeya
Gizonezkoen lehenengo maila, 3. jardunaldia
- Txuri Urdin – Majadahonda (larunbata, 2, 21:00etan).
Emakumezkoen lehenengo maila, 3. jardunaldia
- Milenio Panthers – Txuri Urdin (larunbata, 2, 20:25ean).
