Loiolako Erriberan Gau Beltza ospatuko dute
Egitarau kulturala antolatu du Erribertxo kultur elkarteak, Loiolako Erriberarako udazkenerako. Asteburu honetan Gau Beltza ospatuko dute.
Larunbatean, urriaren 30ean, “Kalabazak hustu eta kandelak piztu” tailerra egingo dute. Gabriel Maria Laffitte plazako auzo elkartearen lokalean izango da 17:30etan. Edukiera bete arte.
Urriaren 31ean, igandean, zortzi urtetik gorako haurrentzat “Izaki ilunak” beldurrezko kondairen kontaketa izango da Amaia Puinen eskutik. Hiru txanda egongo dira aukeran: 18:30ean, 19:00etan eta 19:30ean. Auzo elkartean izango da hau ere, eta edukiera bete arte.
20:00etan Zezen Suzkoa abiatuko da plazan eta jarraian, 20:30ean, “Arimen Biltzarra” kalejira musikatua egingo da auzoan zehar. Mozorrotuta joateko deia egin dute antolatzaileek.
