Xabier Barrenetxeak estreinako diskoa kaleratuko du abenduaren 3an
Xabier Barrenetxea Garbizu baxu jotzailea, Mecca estudioan. 
Donostiako Xabier Barrenetxea Garbizu (XBG) baxu jotzaileak prest du Izarren dantza lehendabiziko diskoa. Oiartzungo Mecca estudioan grabatu du musikari eta lagunez inguratuta. Vicente Climent arduratu da ekoizpenaz.
Dagoeneko bi abesti daude entzungai plataforma digitaletan, eta abenduaren 3tik aurrera osorik entzun ahal izango da. Jazz musika du oinarri musikari donostiarraren bakarkako estreinako lanak.
