Haizeak hainbat istripu eragin ditu gauean eta Urgullera sarbidea itxi du udalak
Urgull mendia. (Argazkia: Cristina Enea Fundazioa) 
Eguraldi eta haize zakarrak hainbat txikizio eragin ditu gaur gauean Donostian. Donostiako Udalak jakinarazi duenez, zortzi zuhaitz erori dira Urgullen, Ulian, Altzan, Alderdi Ederren, Tolosa hiribidean eta Txaparrenen. Zuhaitzaren erorketaren ondorioz, Urgull itxi egin dute.
Udala egiten ari den jarraipenaren arabera, Andia kalean Gabonetako apaingarriak erori dira eta aluminiozko ohol batzuk ere. Secundino Esnaola kalean estalki bateko metakrilatozko panel batzuk erori dira. Gainera, esku hartze ugari egin dira haizeak mugitutako edukiontzietan eta hesietan (20 inguru), eta suhiltzaileek ez dute esku hartu, GM eta Mugikortasuna konpontzeaz arduratu dira.
Larrialdiak Suhiltzaileak, Babes Zibila eta Udaltzaingoaren artean ari dira koordinatzen.
