Amaia Zubiria eta Pascal Gaigneren 'Egun argi hartan' berrargitaratu dute
Elkar argitaletxeak Amaia Zubiriaren eta Pascal Gaigneren Egun argi hartan diskoa berrargitaratu du. 1985ean kaleratu zuen bikoteak euren ibilbideko lehen lan hau, eta aspaldi ez dagoela eskuragarri. Bildumazaleen artean oso preziatua da originala, 200 eurotik gora ere ordain daiteke ale original batengatik.
Folk norabideko bederatzi pieza biltzen ditu, jazz kolore eta ukitu esperimentalez apainduta, garaiaren iturri eta estetika abangoardistekin erabat lotuta dagoena. Kantu tradizionalen moldaketak daude (Itsasoa laino dago, Xoxo beltza edo Xorinoa kaloyan), baita pieza originalak ere (Egun argi hartan edo Lo kanta). Sintetizagailu eta bestelako instrumentu modernoekin, konponketa bikainak egin zituen Gaignek.
Bildumazaleentzat altxorra
Mikel Makala DJak, Elkar-ekin batera kaleratutako Katebegiak bildumari esker berrargitaratu da lan hau, baita William S. Fischer estatubatuarrak grabatutako Akelarre sorta bat (1972, Herri Gogoa), mitoz inguratuta dagoen beste bildumazaleentzako altxor ba [interneten soilik bi ale original daude salgai, 230 eurotan bata, 600en bestea].
2021ean Donostiako Udalak emandako “Adarra” sariaren ondoren, Amaia Zubiriaren izena jendearen ahotan itzuli da, folk eta, oro har, euskal musikaren historiako ahots ederrenetariko bat izanik. Haizea-rekin eta Txomin Artolarekin grabatutako diskoei, eta beste hainbat kolaboraziori esker, etengabeko presentzia izan du 40 urtetik gorako ibilbide luze eta emankorrean.
Amaia Zubiria Adarra saria jasotzen 2021eko ekainean (Argazkia: Badok)
Elkar-ek tamaldu duenez, “ospe hori izan arren, bere lan zabalaren zati handi bat ezezaguna da edo ia ahaztuta dago, lau edo bost disko eta bere abesti ezagunenez gain”. Pena da, bere atzeko katalogo ahaztuak Amaiaren abesti hunkigarrienetako asko biltzen baititu. Horien artean, dastatzaile gisa eta bere musikan sartzeko gonbidapen gisa, 1985ean Pascal Gaignerekin batera grabatutako Itxasoan Laino Dago liluragarria entzutera animatzen zaituztegu. Pascalek eta arreta handiz sortutako soinu elektronikoak biltzen dituen abestia. Michel Donedaren saxofoiak apainduta, eta sofistikazio magiko batez gidatu zuen, Jean Phocas Hendaiako soinu ingeniari trebeak”.
Abangoardiako eta musika tradizionalaren fusio berezia egin zuten, gaur egun, oraindik, berritzailea dirudiena. Binilo formatuan eskuratu daiteke joan den astetik aurrera. Nork daki 35 urte barru bildumazaleek zer nahiko duten.
