San Martin auzoa bisitatuko dute Olentzerok eta Mari Domingik
Mari Domingi eta Olentzero.Donostia Kultura 
Hilaren 22an, Olentzero eta Mari Domingi Erdialdeko San Martin auzoan izango dira. San Martin Auzoa egitasmoak gonbidatu ditu, eta kalejira batekin egingo diete harrera 18:00etan. Are gehiago, Olentzerok eta Mari Domingik gutuna helarazi diete lau haizetara zabaltzeko. Jarraian irakur dezakezue:
“Eguberri on donostiar guztiei,
Olentzero eta Mari Domingi gara. Abenduaren 22an burutuko dugun ekimen baten berri emateko idazten dizuegu.
Donostian ezezagun zein berezi den auzo bat dago. San Martin auzoaz ari gara. Easo kaletik Antiguako tunelera eta aldapetako aldaparen azpian dagoen San Bartolome kaletik, Kontxako hondartza bustitzen duten Kantauri itsasoko zipriztin ausarteraino doana.
Askok zentroa dela pentsatzen duzue eta guk ala pentsatzen genuen ere. Baina duela 2 urte auzoko negozio batzuk, negozio ezberdin, berezi, gertuko eta oso ukitu pertsonalarekin, San Martin auzoak bere istorio propioa eta errealitate oso ezberdina duela erakutsi ziguten.
San Martin auzoak tradizioa eta berrikuntza uztartuz, pertsonak erdigunean kokatuz, gertuko tratu familiarra eskainiz, San Martin auzoa auzo berezi bat izatea egiten dute. Hau horrela izanda, San Martin Auzoak auzoa biziberritzeko egiten ari den lana kontutan hartuz, gaztetxoenekin gertutik egoteko, abenduaren 22an bertaratzea erabaki dugu. Dagoeneko Easo kaleko 18. zenbakian postontzi bat utzi dugu, non zuen eskutitzak edo desioak utz ditzakezuen. 22an jasotzera pasako gara.
Beraz, haur guztiak gonbidatu nahi zaituztegu abenduaren 22an Easo kaleko 18. zenbakira 18:00etan postontzia jaso eta trikitilariek lagunduta Aingeruaren ateraino guri ekartzeko. Hortik auzoko kaleetan barrena buelta bat eman ostean Kontxako erlojuetan arrera egingo dizuegu, elkarri kontuk kontatu eta argazkiak egiteko aukera izango dugularik..
San Martin auzoan ikusiko garelakoan besarkada bat:
Olentzero eta Mari Domingi”.
Bestalde, Gabonak behar bezala ospatzeko egitaraua antolatu du San Martin Auzoa egitasmoak.
- Abenduak 29, asteazkena. Hiru erregeen txotxongilo tailerra haurrentzat, Uhain zentroan (ordua zehazteko).
- Abenduak 30, osteguna. Mariaren Bihotza Abesbatzaren emanaldia, Londres hoteleko terrazan (19:30).
- Urtarrilak 4, asteartea. Mariaren Bihotza Abesbatzaren emanaldia, Blas de Lezo kaleko 2. zenbakian (19:30).
- Eguna zehazteko. Olentzero-Paje Real eskumen eskualdatze akta eta harrera familientzako oparien bilketa, San Martin Obispo elizan.
