Parte Zaharra turista olde handiko eremu deklaratzea eskatuko du udalak, saltokiek ordutegi askatasuna izateko
![terraza parte zaharra](https://irutxulo.hitza.eus/site/files/2020/05/terraza-parte-zaharra.jpg)
Atzo Tokiko Gobernu Batzordeak onartu zuen 2022 eta 2023 urteetarako Parte Zaharra turista olde handiko eremu deklaratzeko eskaera; hori dela eta, inguruko saltokiek ordutegi askatasuna izango dute urte osoan, eremu osoan. Salamanca pasealekua, Bulebarra, Urgull eta Kaiko pasealekua dira eremu hau mugatzen dutenak.
Uztailaren 4ko 8/2014 Errege Dekretuak markatzen du Parte Zaharra turista olde handiko eremu deklaratzea; izan ere, hiri guztietan beharrezkoa da merkataritza jarduera arautzeko merkataritza ordutegia zehaztea. Gainera, udalerri batek gutxienez turista olde handiko gune bat izateko baldintzak aldatu zituzten: lehen 200.000 biztanletik gorakoek eta milioi bat ostatu gau zituzten hiriek eduki behar zuten halako gune bat, baina orain zifra horiek 100.000 biztanlera eta 600.000 ostatu gauetara jaitsi dituzte.