Bera Berak apirilaren 29an jokatuko du Illunben kopako final-laurdenetako partida
(Argazkia: Bera Bera) 
Apirilaren 29tik maiatzaren 1era jokatuko da Donostian Espainiako Eskubaloi Kopa. Partidak Illunben izango dira; final-laurdenetakoak, finalerdietakoak eta finala bera. Bera Berak 29an bertan jokatuko du final-laurdenetako norgehiagoka. Valladoliden kontra ariko da 20:30ean (Teledeportek eskainiko du zuzenean).
Gainerako final-laurdenetako partidei dagokienez, Elx iazko txapeldunak Xixonen aurka jokatuko du (13:00), Rocasak Malagaren kontra (16:00) eta Granollersek Atletiko Guardesen aurka (18:15). Streaming bidez ikusi ahal izango dira neurketa guztiak RTVEren webgunean.
Finalerdiak, berriz, apirilaren 30ean izango dira, eta finala maiatzaren 1ean, 12:30ean. Sarrerak hemen eskuratu daitezke.
