Arte topaketak, Etiopia laguntzeko
Etopia Utopia Fundazioak arte topaketak antolatu ditu Donostian, dirua biltzeko. (Argazkia: Joseba Parron San Sebastian) 
Urteroko legez, Etiopia Utopia Fundazioak arte topaketak antolatu ditu Donostian, Tamayo paper dendarekin elkarlanean. Egitasmo solidario bat da, Etiopia Fundazioaren jarduna finantzatzeko dirua biltzeko helburuarekin antolatutakoa. Gipuzkoa plazan egiten ari dira topaketak, eta 20:00ak arte egongo dira han.
“Tigrayn egiten dugu lan, egun gerran dagoen Etiopiako iparraldeko lurralde batean. Ez da laguntza humanitarioa iristen ari, eta hango herritarrek behar handiak dituzte. Horregatik, horrelako ekitaldiak antolatzen ditugu, gure egitura mantentzeko eta Tigrayra baliabideak bidali ahal izateko dirua biltzeko”, azaldu du fundazioko kide Imanol Apalategik.
