Arkaitzerreka ibaiak kutsatuta jarraitzen du eta isurketaren jarioa ez da eten
Erraustegiaren Aurkako Mugimenduak elkarretaratzea egingo du bihar, hilak 16, Zubietako plazan, 12:00etan.
(Argazkia: Argia) 
Asteazkenetik, hilaren 13tik, Zubietako Arkaitzerreka ibaia kutsatuta dago. Erraustegiaren Aurkako Mugimenduko Fernando Iturralde isurketaren jarraipena egiten ari da, eta salatu du erraustegiaren azpitik errekara doan hoditik aparra ateratzen dela. Ura nabarmen zikindu du eta oxido kolorekoa da. Isurketak salatzeko, Erraustegiaren Aurkako Mugimenduak elkarretaratzea egingo du bihar, hilak 16, Zubietako plazan, 12:00etan.
Hona hemen, Iturraldek helarazitako gaurko bideoa:
Gipuzkoako Hondakinen Kontsortzioak ohar baten bidez adierazi duenez, Arkaitzerrekako isurketa ez duela erraustegiak eragin. Era berean, laginak aztertzen ari direla gaineratu dute, eta emaitzak jakin bezain laster jakinaraziko dituztela.
