Azken sexu erasoak salatzeko elkarretaratzea egin du udalak
Donostiako Udalak elkarretaratzea egin du sexu erasoak salatzeko. (Argazkia: Donostiako Udala) 
Donostiako Udalak elkarretaratzea egin du gaur eguerdian Alderdi Ederren hirian gertatutako azken sexu erasoak salatzeko. Elkarretaratzean Donostiako alkate Eneko Goiak eta udal-talde guztietako ordezkariek parte hartu dute. Era berean, Gipuzkoako Foru Aldundiko zein Batzar Nagusietako ordezkariak ere batu dira elkarretaratzera.
Donostiako alkate Eneko Goiak Udal Korporazioaren izenean gogor salatu du gertatutako erasoa: “Azken egunetan bi eraso sexista gertatu dira hirian. Bi kasuetan bi atxilotu daude, eta espero dugu justiziak egin beharrekoa egingo duela”, nabarmendu du. “Baina guri dagokigu, udaletxe bezala, gizarte mailan gaitzespenik irmoena adieraztea, eta hori egin dugu gaurko kontzentrazioarekin”, gaineratu du alkateak.
