Arkaitzerrekan hesi moduko bat agertu dela ohartarazi dute
Hesi moduko bat dago Arkaitzerrekan. (Argazkia: Erraustegiaren Aurkako Mugimendua) 
Arkaitzerreka errekastoan hesi moduko bat eta hainbat objektu jarri dituzte, Erraustegiaren Aurkako Mugimenduak zabaldutako bideo batean ikusten denez. Hain zuzen ere, Zubietako erraustegitik jaisten da errekasto hori, eta duela hainbat aste kutsadura agertzen hasi zen, baita hainbat astez agertu ere.
Bideoa grabatu duen herritarrak dioenez, baliteke uraren laginak hartzeko izatea jarri dituzten objektuak, baina ez da ziurra. URA agentziako eta beste erakunde batzuetako langileak inguruan ikusi dituztela aipatu du, baina ez diote argitu zertan dabiltzan. Erraustegiaren Aurkako Mugimenduak gertatzen ari dena salatu du: “Bain,a zer da hori? Eta, agintariek noiz eman behar dute neurketen berri? Gaia ahazten zaigunean… Beraien ingurumen zentroari kiratsa dario!”.
Jarraian, aipatu bideoa:
