Elorzak ofizialki aurkeztu du bere hautagaitza, hiria "arretarik gabe" ikusten duela eta
Odon Elorza Donostiako alkate ohia, Kontxako bidegorrian. (Argazkia: PSE-EE Gipuzkoa) 
Odon Elorzak formalki aurkeztu du Donostiako alkatetzarako PSE-EEren primarioetarako hautagaitza, hiria “arretarik gabe” ikusten duelako. Hala adierazi du bere blogean argitaratutako oharrean eta bere alderdiari “zerbitzu bat emateko” eta “barne bizitza dinamizatzeko” asmoa duela iragarri du.
Astelehenean bertan entregatu du Elorzak hautagai izateko dokumentazioa eta “asteazkenean bertan” hasiko da militanteekin biltzen, abalak lortzeko asmoarekin.
Lehendik adierazi izan duen moduan, “hiria arretarik gabe” ikusten duela dio, “erronka berriei aurre egiteko erabaki garrantzitsuak hartu gabe”. Elorzak azaldu duenez, “arraroa dirudi” Gipuzkoako hiriburuari “ETAren porrotaren ondoren erlojua gelditu izana eta errentetatik eta energiarik gabe bizi izana” ordutik.
Dirudienez, PSE-EEn ez dute militanteen erroldarik eta, horregatik, Elorzarentzat militante bakoitzarekin duen harreman berri bakoitza “garaipen berri bat” da.
Izugarrizko zalaparta izan da Elorzaren alkategai izateko erabakia, Marisol Garmendia egungo bozeramailearekin lehiatu beharko duelako. Gutxi balitz, asteburuan iragarri dute Juan Karlos Izagirre izango dela EH Bilduko alkategaia. Orain ikusi behar da ea EAJk zer apustu egingo duen, oraindik ez duelako ofizialki baieztatu Eneko Goia berriz aurkeztuko den ala ez.
