"Jaiegun arrotzei" aurre egingo dieten Superxagu jaiak

Amara Berriko jai herrikoietako danborrada (Argazkia: Iñaki Agirre)

2022/09/22

Amara Berriko Superxagu jai herrikoiak datorren urriaren 10etik 16ra ospatuko dira, eta pandemiaren ostean, murrizketarik gabe izango dira aurten. Egitarau zabala izango dute, eta aurten, urriaren 12an, jaiak Hispanitatearen egunarekin batera ospatzen direnez, egitarauan jarduera bereziak egingo dira, Olaeta plazan montatuko den jaigunean, “jai egun arrotzei aurre egiteko”, eta NAN-en jaurtiketa eta Poteo Fatxoa antolatu dira. Kontzertuen aldetik, urriaren 14an, ostiralean, Asgarth taldeak eta Sobria & Serena DJ-ak izango dira, eta urriaren 15ean, larunbatean, Divina Comedia eta Albina Stardust dragshowa izango dira. Ostiralean eta larunbatean izango diren afarien gunea 20:30etatik aurrera irekiko da. Larunbateko Bazkari herrikoian parte hartzeko txartelak Ilunki tabernan eta Arkupe tabernan eskuratu daitezke 12€-ren truke. Langabe eta ikasleek berriz, 10€ ordaindu beharko dituzte. Bestalde, Danborradan eta Paella Lehiaketan izen emateko, amaraberri@gmail.com helbidera bidali behar dira datuak.

Jarraian Amara Berriko jaien egitaraua irakurri dezakezue:

Urriaren 10etik 11ra:

10:00: Mural herrikoiaren margoketa Amara Berri (Ferrerias) eta Katalin Erauso ikastetxeetako haurren artean.

Urriak 12:

10:00: Auzolana.
13.00: DNI jaurtiketa.
13:30: Poteo Fatxoa.

Urriak 13:

Montaketa herrikoia.

Urriak 14:

16:30: Haurrentzako jolasak jaiegunean.
17:30: Mural herrikoiaren inaugurazioa eta kalejira.
18:30: Merendola osasuntsua jaiegunean.
19:00: TxupiNazioa.
19:15: Danborrada herrikoia.
20:30: Afariak jaiegunean.
22:30: Kontzertuak: Asgarth eta DJ Sobria & Serena

Urriak 15:

11:30: Paella lehiaketa jaiegunean.
13:00: Bertso saioa jaiegunean: Alaia Martin Etxebeste, Maider Arregi Markuleta, Maddi Ane Txoperena Iribarren, Eli Pagola Apezetxea. Gai jartzailea: Itsaso Piquer Insausti.
14:30: Bazkari herrikoia.
16:00: Bingo al deu.
16:30: Haurtxokoa eta gaztelekua jaietan (Haur gunean).
17:00: Sound System gunea Bassque Reggae Kultur Elkartearen eskutik.
18:00: Txokolatada haur gunean.
18:30: Elektrobuiaka elektrotxaranga.
20:30: Afariak jaiegunean.
22:30: Kontzertuak: Divina Comedia eta Albina Stardust dragshowa. Bidean erromeria.
00:00: I. Nazioarteko Harri Orri Ar txapelketa.

Urriak 16:

14:30: Bazkari herrikoia.
16:00: Karaokea.
16:00: Mus eta Partxis lehiaketa.
19:00: Superxaguri agurra.

Urriak 17:

Jaiegunearen desmontaketa herrikoia.