Bera Berak Beti Onak izango du aurkari Lekunberrin
(Argazkia: Bera Bera) 
Lehen taldeko zazpi jokalarirekin eta bigarren eta jubenil taldeetako jokalariek lagunduta, Bera Berak Beti Onak taldeari egingo dio bisita gaur Lekunberrin (Nafarroa), 19:30ean. Azaldu dutenez, helburua da Bera Berak lehiatzeko erritmoari eustea eta azaroaren 26an Ligako bueltari ahalik eta ondoen eustea, Gascan Aula Valladolid hartuz.
Bigarren entrenatzaile Alex Noguesek zuzenduko du Super Amara Bera Bera, lehen taldeko Alice Silva, Laura Hernandez, June Loidi, Cristina Polonio, Emma Boada, Alba Menendez eta Anne Erauskinen parte hartzearekin. Era berean, Ligan bezala, Haizea Urretabizkaia arituko da, eta Euskal Ligako Bera Berako Evelyn Briones eta June del Campo ere bai. Naroa Zabalak Silva ordezkatuko du atepean. Bestetik, Malena Cavok beroketa ariketak egingo ditu taldekideekin.
Beti Onak taldeak selekzioekin ere hiru jokalari ditu: Txilerekin, Lovera eta Argentinarekin (Sans eta Ayelen Garcia). Nafarrek ligan orain arte egindakoari jarraipena eman nahi diote, nahiz eta azaroaren 26an lan zaila izango duten Telden (Kanaria Handia).
