Ibaeta Basketek beste urrats bat egin nahi du
Ibaeta Basket eta Brnoren arteko neurketa. (Argazkia: Ibaeta Basket) 
Europako lehen garaipena eskuratzea historikoa izan zen Ibaeta Basketentzat. Bigarrena ere nahi dute, eta gaur iluntzean saiatuko dira eskuratzen. Eurokopako hirugarren partida Frantzian jokatuko dute Montpellier talde indartsuaren aurka (20:00). Multzoko liderra da jokaturiko bi partidak irabazita. Beraz, arerio zailena dela esan daiteke.
Azu Muguruza entrenatzaileak atzo adierazi zuen “beste urrats bat” egiteko unea dela. Horrela, ezustekoa eman nahi du Donostiako taldeak Montpellierri irabazita. Ez da ezinezkoan ligako bolada ikusita. Azken lau neurketak irabazi dituzte, eta tartean, Perfumerias Avenida mendean hartu zuten.
