Larunbatean berriz aterako dira Loretope konpartsako erraldoiak
Sebas eta Lore erraldoiak Antiguan, joan den igandean. (Argazkia: Loretope konpartsa) 
Lore eta Sebas erraldoiak dira Antiguako erraldoi berriak. San Sebastian egunean aurkeztu zituen lehen aldiz Loretope konpartsak, eta joan den igandean berriz atera ziren auzoan zehar, Antiguako San Sebastian jaiekin bat eginez. Irutxuloko Hitzak igandeko irudiak bildu ditu galeria batean. Larunbat honetan ere aterako dira berriz, 11:00etan.
Antiguako jaien azken txanpa dator asteburuan. Larunbatean kuadrillen bazkaria egingo dute, eta 600 lagun inguru bilduko dira Ibaetako frontoian. Igandean X. Mikel Laboa Sariketa egingo dute Dokan, eta bertsolari gazteak bertsotan entzuteko aukera izango da.
